meine Seite

 Aus chline Pfüderi hani zu Schneitersch müesse ga Hüenerfueter reiche. z Huttli am Rügge bini täselet aber oha woni am heiga bi gsi hets görig afa lufte eso das i mi ame Gartezun ha müesse ha.zum glück het mi Muetter ts Wätter gse cho u isc mer agäg cho u het mi erlöst

Einisch hani zum Metzger Wäuchli müesse gane Wurscht chouffe für das hani z Velo gnot z Täschli mit der Wursch drinne hani a Länker ghäicht. woni z Börtli abegfare bi hets mer das cheibe ding i z Redli gno,ig natürli um, d Hose dräckig u ig gschunte.woni bi hei cho isch d  Wurscht abenag gsi u Muetter het mer aui Schang gseit u das het mi doch ungrächt düecht dräckigi Hose Schmärze u när seitmer mi Muetter no wüescht.

Mi Mueter het mir vezeut das woni no a ganz chline Stöpsu bi xi het si mit mir ine Chinderwage gluegt u gseit gäu das isch as härtsgs  Ching aber ig ha gseit das gfaut mir aber nid D Mueter vo däm Ching het derwäge mi Mueter mängs Jahr nümme grüest

Woni i der lehr bi xi heimer z Stäffisburg d Wasseleitig ernöieret.Bevor das der Grabe isch teckt word het me di Leitig müesse prüeffe me het auso druck druf gä ,bim Hydrant hetme müesse entlüfte Ig ha den no nid gwüsst das d Siteschieber gen echli off si i ha der Houptschieber ufta  es isch cho wis het müesse, dür z chline Löchli im Techu isch a schtrau Wasse use,Zurbuech Hans wo im Grabe unger gschtange isch hets vou verwütscht.Für mis lache hani nächär a rächte schut i ts Füdle übercho

Im 9 Schuewjahr ha ni vor Pro Juwentute us i Jura i d Ferie chönne.Es isch e Burehof ime chline Dörfli gsi u der Bur isch am Tag no it Fabrig u am Abe het me de no müesse pure.Einisch isch är am Abe heicho  umir hei d Ross no nid vor Weid ghout gha u mir hätte wöue zacherfahre. Us teubi heter afe einisch si Frou links u rächts kläpft. Bis mer si nache gsi isches scho bau fischter gsi ig ha müesse d Ross füere 3spähig es isch cho wis het müesse bim chere hets natürlech as glir gä u de heter de aube chönne wüescht tue aber aus uf französich u da hani gottlob nüt verschtange. Öppe am 10 heimer dä Bitz kert gah u hei chönne Firabe mache.

Mir hei ou Hüener gha dene hani de aube müesse mischte de hei mi de d Hüenerlüs eso tracktiert das mi Mueter mit Essigwasser het müesse abwäsche